Քանդված վիճակում են այգին ընդունել. 900 հազար դոլարի մսխման համար պատասխանը ո՞վ է տալու. Չախոյան (տեսանյութ)

Հիմա էլ հո չեք ասելու, որ աշխատանքները ընդունված չեն, ավարտական ակտ տրված չէ. Ավինյանին փետրվար ամսին էին զեկուցել, որ թքած կպցրած 900 հազար դոլարանոց այգու աշխատանքները ընդունված են։ Բայց նենց չի, որ զեկուցելուց հետո է այգին քանդվել։ Այ էդպես՝ քանդված վիճակում են այգին ընդունել, ու հետո ասում են, թե բա Երևանի քաղաքապետարանը անորակ աշխատանքներ չի ընդունում։ Այս մասին իր էջում գրել է հասարակական ակտիվիստ Արթուր Չախոյանը։

Նա, մասնավորապես, նշել է. «Իրականում թերությունները էլ ավելի շատ են, քան ես դրանք ներկայացրել եմ։ Լուսավորությունը նորմալ չի աշխատում ու արդեն իրարից պոկվում է։ Նստարանների փայտերը պոկվել են, պլաստմասե հատակի շատրվանները ամեն անգամ ջարդվում են։ Ծառերի և փշրվող քարերի մասին արդեն նշել եմ։ Այսինքն՝ այգում ինչ կա՝ ամեն ինչ անորակ է ու շարքից դուրս է եկել։

Լավ, բետոնե տոմետներին անուն դրեցին, թե բա՝ աղից են փշրվում։ Դրանով պայմանավորված որոշեցին, որ բնական քար տեղադրեն, որ նման պատմություններից խուսափեն։ Էն էլ Ավինյանի տեղադրած քարերն էլ են փշրվում։

Հիմա 900 հազար դոլարի մսխման համար պատասխանը ո՞վ ա տալու։

Թե՞ էլի ի պատասխան պետք ա ասեն՝ Պուտինն ու Չախոյանն են մեղավոր։

Երկիրը կառուցելու փոխարեն երկիրը քանդում են, ու սենց՝ թքած կպցրած անորակ աշխատանքների վրա միլիոնավոր դոլարներ են դուրս գրում, ու ժողովրդին քանդվող «բարեկարգումներ» են հրամցնում։ Ու ժողովուրդն էլ հպարտանում ա, ուրախ-ուրախ, չհասկանալով, որ իր մեշկին աճող արտաքին պարտքը ինքն ա վճարելու»։