Թիվ մեկ ռիսկն այն է, որ կարող է Իրան–Իսրայել պատերազմը շատ երկար տևել․ Ալեն Սիմոնյան

Իրանի հետ կապված ուշի ուշով հետևում ենք, բայց այս պահի դրությամբ մտահոգություն չկա, որ դա կարող կարող է ինչ-որ ձևով ազդեցություն ունենա մեր հարևանի հետ հարաբերություններին։ Այս մասին լրագրողների հետ զրույցում ասել է ԱԺ նախագահ Ալեն Սիմոնյանը։

Նա նշել է, որ «առաջին իսկ րոպեներից» գնահատվել են ռիսկերը, եղել են քննարկումներ․ «Մենք գտնվում ենք կապի մեջ մեր միջազգային գոր գործընկերների հետ և այս պահի դրությամբ որևիցե ավելացնելու բան չկա, բացի ԱԳՆ-ի հայտարարությունից»,– ասել է Սիմոնյանը։

«Թիվ մեկ ռիսկն այն է, որ կարող է այդ պատերազմը շատ երկար տևել և այլ բնույթի վերածվել, ինչպես նաև այլ երկրների ներառվածությունը: Մեզ ստաբիլ հարևան է պետք և այն, ինչ տեղի է ունենում, մեր համար անընդունելի է»,– ասել է ԱԺ նախագահը։