«Զանգեզուրի միջանցքը» մոռացե՛ք, պատերազմի հետ կապված ռիսկերն այսօր մինիմալ են․ Սիմոնյան
Քաղաքական
«Զանգեզուրի միջանցքը» մոռացե՛ք, լինելու են ճանապարhներ, դրա մասին խոսել ենք, դրա որակումները, դրա իրավական ձևակերպումները բազմիցս տրվել են։ Այս մասին լրագրողների հետ զրույցում ասել է ԱԺ նախագահ Ալեն Սիմոնյանը։
«Մենք մեր դիրքորոշումն ասել ենք, իրենք զարմանքով են մոտեցել։ Ադրբեջանի նախագահն ասել է՝ ես զարմանում եմ ընդհանրապես՝ դուք ինչի եք դրան տենց վատ վերաբերվում։ Ադրբեջանցի պաշտոնյան, որը որ զբաղվում է իրենց արտաքին քաղաքականությամբ, ասել է, թե ինչի են հայերը տենց ցավագին տանում, մենք կուզենայինք, որ ամբողջ Ադրբեջանը լիներ միջանցք։ Իսկ հայկական կողմն ասում է, որ, այո՛, Հայաստանի Հանրապետությունով կարող են անցնել տրանսպորտային միջոցներ՝ ՀՀ ինքնիշխանության, իրավազորության ներքո և դրա հետ կապված ներկայացվել է «Խաղաղության խաչմերուկ» ծրագիրը»,– հայտարարել է նա:
ԱԺ նախագահի խոսքով՝ ակնհայտ է, որ Հայաստանը և մեր տարածաշրջանն այս պահի դրությամբ փաստացի օդային միջանցքի է վերածվել քաղաքացիական ինքնաթիռների համար։
Սիմոնյանը նաև վստահեցրել է, որ պատերազմի հետ կապված ռիսկերն այսօր մինիմալ են․ «Մենք պետք է աշխատենք, որ ընդհանրապես այն չեզոքացնենք և Հայաստանի Հանրապետության կառավարությունը այդ ուղղությամբ գործուն քայլեր է անում»,– ասել է նա։
ՈՒՂԻՂ ԵԹԵՐ
Ամենադիտված 
Բացահայտվել է 1958-ին անհետացած հինգ հոգանոց ընտանիքի առեղծվածը
