Իրանն իրականացրել է նոր հրթիռային հարվածների ալիք Իսրայելի ուղղությամբ

Իրանի Իսլամական հեղափոխության պահապանների կորպուսի օդատիեզերական ուժերը սկսել են հրթիռների և անօդաչուների նոր ալիքով հարձակումներ Իսրայելի ուղղությամբ։ Ինչպես հայտնում է Tasnim գործակալությունը, հարվածները նպատակաուղղված են «օկուպացված տարածքներում» գտնվող օբյեկտներին։

Սա արդեն երկրորդ հրթիռային գրոհն է վերջին օրերին։ Նախորդ ալիքը տեղի էր ունեցել հունիսի 17-ի գիշերը՝ թիրախավորելով Նևաթիմ ավիաբազան և Նեգևի անապատում գտնվող ռազմական օբյեկտներ։

Իրանի արձագանքը հաջորդել է Իսրայելի կողմից հունիսի 13-ին մեկնարկած «Ժողովուրդը՝ առյուծի նման» ռազմական գործողությանը, որի շրջանակում հարված էր հասցվել Իրանի ենթադրյալ միջուկային օբյեկտներին։