Ստեղծում ենք հանձնաժողով, որն ուսումնասիրելու է քաղաքից խլված գույքերը. Արմեն Գալջյան
Քաղաքական
Կողմ ենք քվեարկելու նախագծին, քանի որ տեսնում ենք դրական հնարավորություն նախկինների, նաև ներկաների հետ փոխկապակցված մարդկանց բացահայտելու համար: Այս մասին, այսօր՝ հունիսի 24–ին, Երեւանի ավագանու նիստում 1991-2025-ին դպրոցների, մանկապարտեզների օտարման գործընթացներն ուսումնասիրելու համար քննիչ հանձնաժողով ստեղծելու մասին նախագծի քննարկման ժամանակ հայտարարեց ավագանու «Հանրային ձայն» խմբակցության ղեկավար Վահան Ավագյանը։
«Որ մենք լյուստրացիա անենք, բավականին շատ բան կարող ենք բացահայտել, բայց հնարավոր է՝ ոչ ոքի չկարողանանք քրեական պատասխանատվության կանչենք: Մենք միշտ չէ, որ այստեղ ենք լինելու: Հիմա մենք այստեղ ենք, հետո կգան մյուսները, բայց այս գործընթացը պետք է անպայման տեղի ունենա»,- հայտարարեց նա։
Երևանի ավագանու «Մայր Հայաստան» խմբակցության ղեկավար Մանուկ Սուքիասյանը հայտարարեց, թե հանձնաժողով ստեղծել-չստեղծելով չէ, որ «ամեն ինչ պետք է դուրս գա ջրի երես»:
«Բացահայտ ասվեց, որ իրավական տիրույթում այդ գործընթացները կան, այս ամեն ինչն արվում է քաղաքական գնահատական տալու համար»,- հայտարարեց նա:
Երևանի ավագանին 35 կողմ, 5 դեմ, 16 ձեռնպահ ձայներով կողմ քվեարկեց նախագծին:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
