Զելենսկին հայտնել է, որ Ուկրաինան կարող է արտադրել 8 միլիոն դրոն, սակայն միջոցներ չեն բավարարում

Ուկրաինայի նախագահ Վլադիմիր Զելենսկին հայտարարել է, որ երկիրը տեխնիկապես կարող է տարեկան արտադրել մինչև 8 միլիոն դրոն, սակայն ֆինանսավորման պակասի պատճառով այդ ներուժը չի իրագործվում։ Այս մասին գրում է Ինսայդեր UA-ն։

Հունիսի 24-ին Զելենսկին ժամանել է Հաագա՝ մասնակցելու ՆԱՏՕ-Ուկրաինա ձևաչափով նիստին և հանդիպելու մի շարք արևմտյան առաջնորդների հետ։

Ուկրաինայի ղեկավարը նշել է, որ մտադիր է գագաթնաժողովի շրջանակում հանդիպել նաև ԱՄՆ նախագահ Դոնալդ Թրամփի հետ։