Ռուսաստանում «աբսուրդ» են համարում Զելենսկու հայտարարությունները Ռուսաստանի կողմից ՆԱՏՕ-ի վրա հարձակման մասին

ՌԴ Պետդումայի միջազգային հարցերի կոմիտեի փոխնախագահ Ալեքսեյ Չեպան «աբսուրդ» է որակել Ուկրաինայի նախագահ Վլադիմիր Զելենսկու հայտարարությունները, թե Ռուսաստանը իբր պատրաստվում է հարձակվել ՆԱՏՕ-ի երկրների վրա։ Չեպան նշել է, որ այս հայտարարությունների նպատակը Կիևի կողմից նոր ռազմական օգնություն ստանալն է և որոշ եվրոպական երկրների ու սպառազինության արտադրող ընկերությունների շահերի սպասարկումը։

Ավելի վաղ ՆԱՏՕ-ի գագաթնաժողովում Զելենսկին նման հայտարարություն էր արել՝ առանց կոնկրետ ապացույցներ ներկայացնելու։ Ըստ Չեպայի, այս տեսակ հայտարարությունները ունեն միայն քաղաքական բնույթ և ներքին շահերի համար են արվող քայլեր։

Հիշեցնենք՝ Զելենսկին նաև հայտարարել էր, որ Ուկրաինան կարող է տարեկան արտադրել մինչև 8 միլիոն անօդաչու սարք, սակայն ֆինանսավորման պակասի պատճառով այդ ծրագիրը դժվարությամբ է առաջ շարժվում։ Այս օրերին Ուկրաինայի նախագահը գտնվում է Հաագայում՝ ՆԱՏՕ-Ուկրաինա ձևաչափով հանդիպումներին մասնակցելու նպատակով, հայտնում է Лента.ру-ն։