ՀԱՊԿ-ում կոչ են արել կանխել Իրանի միջուկային օբյեկտների վրա հարձակումները

Հավաքական անվտանգության պայմանագրի կազմակերպության (ՀԱՊԿ) անդամ պետությունների արտաքին գործերի նախարարները կոչ են արել կանխել Իրանի միջուկային օբյեկտների վրա նոր հարձակումները: Այս մասին հաղորդում է ՏԱՍՍ-ը։

«Մենք կոչ ենք անում հրաժարվել խնդիրներ լուծելու ուժային մեթոդներից և կանխել միջուկային օբյեկտների վրա նոր հարձակումները», - ասվում է հայտարարության մեջ։

Նշվում է, որ օբյեկտները գտնվում են Ատոմային էներգիայի միջազգային գործակալության (ՄԱԳԱՏԷ) պաշտպանության ներքո և գործակալության ստուգողական գործունեության առարկա են։