Իրանը զինավարժություններ է սկսել Հորմուզի նեղուցում

Իրանը սկսել է իր վեցօրյա զինավարժությունները Հորմուզի նեղուցում: Այս մասին է նշում Irna իրանական գործակալությունը:

Ռազմածովային նախարար Հաբիբոլահ Սայարին նշել է, որ «Վելայաթե 91» զինավարժությունները կտևեն մինչ չորեքշաբթի օրը և տեղի կունենան Հորմուզի նեղուցում, Պարսից ծոցում և Հնդկական օվկիանոսի հյուսիսային հատվածներում:

Իրանական աղբյուրները մշտապես նշել են, որ կարող են շրջափակել Հորմուզի նեղուցը, որտեղից տեղի է ունենում նավթի արտահանման  40%-ը, եթե իր ատոմային ծրագիրը հարձակման ենթարկվի: