Թրամփի ուկրաինական քաղաքականությունը առաջին հայացքից նման է Բայդենի, բայց վստահություն չկա

Նյու Յորք Թայմս-ի (NYT) վերլուծաբանները նշում են, որ նախագահ Դոնալդ Թրամփի ներկայիս մոտեցումը Ուկրաինայի հարցում, առաջին հայացքից, հիշեցնում է իր նախորդի՝ Ջո Բայդենի քաղաքականությունը՝ հատկապես՝ Կիևին զենք մատակարարելու հարցում։ Սակայն, ըստ հեղինակների՝ Դեյվիդ Սենգերի և Մեգի Հաբերմանի, չկա վստահություն, որ Թրամփը երկարաժամկետ կտրվածքով կպահպանի այդ գիծը։

Միևնույն ժամանակ, The American Conservative ամսագիրը կանխատեսել է, որ ԱՄՆ կարող է կրկին դադարեցնել ռազմական աջակցությունը Ուկրաինային՝ հաշվի առնելով Թրամփի անկայուն դիրքորոշումը։ Իսկ The Telegraph-ը նշել է, որ այդ փոփոխականությունը արդեն վնասել է Կիևին՝ հատկապես վերականգնման գործընթացի համատեքստում։

Ամերիկյան և բրիտանական վերլուծությունները միավորող հիմնական միտքը այն է, որ Թրամփի քաղաքականությունը կարող է կտրուկ շրջվել՝ կախված ոչ թե ռազմավարական, այլ անձնական ու քաղաքական հաշվարկներից։