Իրանի նախագահը բացել է երկրում առաջին բնական գազի պահոցը

Իրանի նախագահ Մահմուդ Ահմադինեժադն իր երկրում պաշտոնապես բացել է բնական գազի առաջին գազապահոցը, որի նախագծային ծավալը կազմում է 3,3 մլրդ խորանարդ մետր. շաբաթ օրը հայտնում է Associated press-ը:

Գազապահոցը կառուցվել է Իրանի կենտրոնական հատվածում՝ Ղոմ քաղաքից ոչ շատ հեռու:

Ներկայումս գազապահոցի տարողունակությունը կազմում է 1,5 մլրդ խորանարդ մետր գազ. իր նախագծային 3,3 մլրդ խորանարդ մետր ծավալին այն կհասնի շինարարական աշխատանքների երկրորդ փուլի ավարտից հետո: