Մասնագետները նշել են մեքենայի շարժիչի չիպային կարգավորման երեք լուրջ թերություններ

Ավտոմեքենայի շարժիչի չիպային կարգավորումը հանգեցնում է շարժիչի ծառայության ժամկետի կրճատմանը: Այս մասին Tatar-inform-ին տված հարցազրույցում ասել է ավտոմոբիլային փորձագետ Պետր Բականովը։

«Ցանկացած շարժիչ ունի որոշակի պահուստ հզորությունը մեծացնելու համար, բայց հարցն այն է, թե ինչպե՞ս ենք մենք վճարելու նման պահուստի համար: Եվ մենք կվճարենք վառելիքի ավելի բարձր սպառմամբ, ծառայության ժամկետի կրճատմամբ և այլն: Չիպային կարգավորումը որպես երևույթ ավելի շատ վնաս է բերում, քան օգուտ՝ ծառայության ժամկետի, ինչպես նաև էկոլոգիայի առումով», - ասել է Բականովը։

Նրա խոսքով՝ չիպային կարգավորման միակ առավելությունը շարժիչի բարձր հզորությունն է։

Նախկինում «Զա Ռուլեմ» ամսագրի տեխնիկական փորձագետ Միխայիլ Կոլոդոչկինը նշել էր, որ ավելի լավ է ժամանակակից մեքենաները, այդ թվում՝ չինականները, չլիցքավորել AI-92 բենզինով։

«Խնդիրն այն է, որ մի ժամանակ մի շարք չինական ավտոարտադրողներ, Ռուսաստանում իրենց մեքենաների պահանջարկը մեծացնելու համար, տեխնիկական փաստաթղթերում հատուկ ներառել են դրանք AI-92 բենզինով օգտագործելու հնարավորությունը: Նրանք ասում են, որ Peugeot-ն, Renault-ն և այլ մեքենաները սպառում են թանկ վառելիք, մինչդեռ մերոնք՝ էժան վառելիք, ուստի շահավետ է դրանք սպասարկելը: Սա փոքրիկ խաբեություն է: Ձեզ հարկավոր չէ լցնել նման բենզին», - ասաց փորձագետը:

Թարգմանությունը՝ Lurer.com-ի