Նշվել են գիշերային քրտնարտադրությամբ պայմանավորված հիվանդությունների անունները

Կանոնավոր և ուժեղ գիշերային քրտնարտադրությունը կարող է վկայել քաղցկեղի, վահանաձև գեղձի խնդիրների, շաքարախտի և տագնապային խանգարման մասին: Ահա թե ինչ է «Մետրո»-ին ասել Լոնդոնի համալսարանական քոլեջի թերապևտ Սյուզան Ուայլին։

Մասնագետի խոսքով՝ թաց սավանների վրա անընդհատ արթնանալը երբեմն կապված է վարակների կամ վահանաձև գեղձի խանգարումների հետ: Վահանաձև գեղձի հիմնական գործառույթը հորմոնների արտադրությունն է, որոնք կարգավորում են բջիջների նյութափոխանակությունը, աճը և զարգացումը: Երբ դրանց կոնցենտրացիան մեծանում է, նյութափոխանակությունը արագանում է, և ջերմության արտադրությունը մեծանում է։

Գիշերային քրտնարտադրությունը կարող է նաև լինել շաքարախտի և լիմֆոմայի նշան: «Լիմֆոմա» տերմինը վերաբերում է ուռուցքաբանական հիվանդությունների մի խմբի, որի դեպքում իմունային համակարգի բջիջները (լիմֆոցիտները) մուտացվում են և դառնում չարորակ: Դրանք մեծանում են չափսերով, դադարում են մահանալ և սկսում են անվերահսկելիորեն բաժանվել՝ առաջացնելով ուռուցք։

Բժիշկը հավելել է, որ գիշերային քրտնարտադրությունը կարող է առաջանալ տագնապային խանգարումներից, քնի օբստրուկտիվ ապնոէի համախտանիշից կամ որոշակի դեղամիջոցների, ինչպիսիք են հակադեպրեսանտները, ընդունումից։

Մասնագետը նաև նշել է, որ կանանց մոտ գիշերային քրտնարտադրությունը հաճախ դառնում է մոտեցող դաշտանադադարի նշան. հորմոնալ տատանումները ազդում են մարմնի ջերմաստիճանի կարգավորման վրա և ավելացնում քրտնարտադրությունը։

Թարգմանությունը՝ Euromedia24.com-ի