Սխալ բուժման հետևանքով կնոջ ծնկի մեջ հայտնաբերել են ոսկու մասնիկներ
Հասարակություն
Հարավային Կորեայի բժիշկները 65-ամյա կնոջ ծնկի ռենտգեն հետազոտության ժամանակ հայտնաբերել են հարյուրավոր մանր ոսկու մասնիկներ։ Կինը տարիներ շարունակ բուժել է օստեոարթրիտը ասեղնաբուժությամբ, որի ժամանակ ոսկյա թելեր էին տեղադրվել հոդի շրջանում՝ բուժական ազդեցությունը ուժեղացնելու համար։
Սեուլի ազգային համալսարանի բժշկական քոլեջի մասնագետները նշել են, որ ոսկու մասնիկները խանգարում են ռենտգենյան հետազոտություններին և կարող են շարժվել մարմնի ներսում՝ վնասելով հյուսվածքները և առաջացնելով վարակներ։ Բացի այդ, նման մոտեցումը վտանգավոր է, քանի որ կարող է հետաձգել արդյունավետ բուժումը և հիվանդությունը դարձնել ավելի ծանր։
Չնայած Ասիայում ասեղնաբուժությունը տարածված է՝ որպես արթրիտի բուժման միջոց, գիտական ապացույցներ դրա արդյունավետության մասին չկան։ Բժիշկները հորդորում են ընտրել ապացուցողական բժշկության մեթոդներ՝ առողջությունը չվտանգելու համար։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
