ԵՄ-ն պատրաստվում է հարվածել ռուսական «Мир» վճարային համակարգին

Եվրահանձնաժողովը 19-րդ պատժամիջոցային փաթեթի շրջանակում նախատեսում է սահմանափակումներ կիրառել Ռուսաստանի «Мир» վճարային համակարգի նկատմամբ։ Ինչպես X-ում գրել է ԵՄ դիվանագիտության ղեկավար Կայա Կալլասը, Բրյուսելը մտադիր է «կտրել Ռուսաստանի ֆինանսական հոսքերը հենց աղբյուրում»։

Կալլասը նաև ընդգծել է, որ սահմանափակումները կուղղվեն ոչ միայն «Мир»-ի դեմ, այլև երրորդ երկրներում գործածվող հարկերից խուսափելու սխեմաների, այդ թվում՝ կրիպտոարժույթների միջոցով իրականացվող ֆինանսական գործարքների դեմ։

Նա հաստատել է նաև ԵՄ պլանը՝ մեկ տարով շուտ, այսինքն մինչև 2027-ի սկիզբ, հրաժարվել ռուսական սեղմված բնական գազի ներմուծումից։ ԵԿ նախագահ Ուրսուլա ֆոն դեր Լյայենը հավելել է, որ սահմանափակումները կվերաբերեն նաև ռուսական նավթի փոխադրումների մեջ ներգրավված 118 նավերի և կրիպտոարժութային հարթակների։