Թրամփը հրաժարվել է Բայդենի հակառուսական տակտիկայից. WP

The Washington Post-ի տվյալներով՝ ԱՄՆ նախագահ Դոնալդ Թրամփը փոխել է իր մոտեցումը Ռուսաստանի նկատմամբ․ երկրորդ ժամկետի սկզբից նա չի ներկայացրել ոչ մի նոր հակառուսական պատժամիջոցների փաթեթ։ Սա տարբերվում է Ջո Բայդենի քաղաքականությունից, որը մշտապես խստացնում էր ճնշումները։

Փորձագետները նշում են, որ Թրամփը շարունակում է դրդել եվրոպացի դաշնակիցներին խստացնել միջոցները Ռուսաստանի դեմ, սակայն ինքը խուսափում է դրանցից։ «Սա համապատասխանում է նրա վարքագծի սխեմային․ նա չի ցանկանում ուղղակիորեն նոր սահմանափակումներ կիրառել Մոսկվայի նկատմամբ», — նշում է պարբերականը։

Նրանց կարծիքով, նման ռազմավարությունը ժամանակի ընթացքում կարող է նվազեցնել պատժամիջոցների արդյունավետությունը։ «Եթե ավելի քան վեց ամիս շարունակ չեք ավելացնում նոր սահմանափակումներ, ապա փաստացի թուլացնում եք դրանց ազդեցությունը», — ընդգծել է Պետդեպի նախկին բարձրաստիճան փորձագետ Էդվարդ Ֆիշմանը։