Ընդհանրապես չարժե հավատալ նրա խոսքերին․ հերոսի հայրը` Փաշինյանի մասին

Ինչպես արդեն հայտնել ենք, Արցախյան երկրորդ պատերազմում զոհվածների հարազատները գիշերել են «Եռաբլուրում»՝ կանխելու Նիկոլ Փաշինյանի մուտքը զինվորական պանթեոն։

Ծնողներից մեկը լրագրողների հետ զրույցում նշեց, որ 2022 թվականից ամեն տարի այստեղ են, «Անկախության տոնը դիմավորում են մեր տղերքի հետ»։

Անդրադառնալով Նիկոլ Փաշինյանի երեկվա ելույթին և խոնարհմանը, նա ասաց․ «Կապիկություն է, ընդհանրապես չարժե հավատալ նրա խոսքերին։ Տղաների խնկարկման կարգը փոխելը ո՞րն է, ի՞նչ է ուզում դրանով ասել։ Անկեղծ չեմ հավատում նրան, չեմ հավատացել ու չեմ էլ հավատալու»։

Մեկնաբանելով 4–րդ Հանրապետություն ստեղծելու Փաշինյանի հայտարարությանը՝ 44–օրյա պատերազմում անմահացած հերոսի հարազատը նշեց․ «4–րդը կստեղծի, մի ամիս հետո կարող է դա դուրը չգա, 5–րդը ստեղծի։ Էսօր մի բան է մտածում, վաղը՝ ուրիշ բան։ Չգիտեմ՝ ինչ է մտածում էս ժողովուրդը»։