Մինչև Փաշինյանի գալը իմ 4 հոգանոց ընտանիքը շատ երջանիկ ապրում էր․ հերոսի հայր

Մինչև իր գալը իմ 4 հոգանոց ընտանիքը շատ երջանիկ ապրում էր, վաղվա օրվա մասին չէինք մտածում, չէինք մտածում, որ պատերազմ կլինի, չէինք մտածում, որ այ սենց վիճակ կլինի, որ կգա ինչ–որ մեկը՝ կքանդի ամեն ինչ, կավիրի, Արցախը կտա, կասեն՝ «կեցցե՛ Նիկոլը, մենք Արցախը տվեցինք, բայց Հայաստան գտանք»։ Այս մասին Եռաբլուրում լրագրողների հետ զրույցում ասաց պատերազմում անմահացած հերոսի հայր Աշոտ Տոնոյանը։

«Վաղը կարող է ասել՝ մի Թուրքմենչայի պայմանագրով էս տարածքը Իրանինն է, էս մի տարածքը՝ Ադրբեջանինը ․․․ իրենից ամեն ինչ սպասելի է»,– ասաց նա։

Հերոսի հայրը նորից նշեց, որ մինչև Նիկոլ Փաշինյանի՝ իշխանության գալը երջանիկ ապրել է․ «Իմ մոտ ամեն երեկո համեստ հացի սեղանի շուրջը քեֆ–ուրախություն էր, անկեղծ եմ ասում։ Իմ համեստ աշխատավարձով երկու երեխա եմ կրթության տվել նախկինների օրոք»,– ասաց նա։