Իսրայելը ստիպված կլինի պայքարել Պաղեստինի ճանաչման կոչերի դեմ բոլոր միջազգային ասպարեզներում

Իսրայելը ստիպված կլինի պայքարել Պաղեստինի ճանաչման կոչերի դեմ բոլոր միջազգային ասպարեզներում, որոնք սպառնում են երկրի գոյությանը և խրախուսում են ահաբեկչությունը։ Այս մասին հայտարարել է Իսրայելի վարչապետ Բենիամին Նեթանյահուն։

«Մենք ստիպված կլինենք պայքարել՝ թե՛ ՄԱԿ-ում, թե՛ մյուս բոլոր ասպարեզներում, մեր դեմ ուղղված կեղծ քարոզչության և Պաղեստինյան պետություն ստեղծելու կոչերի դեմ, որոնք կսպառնան մեր գոյությանը և կդառնան պարգև ահաբեկչության համար։ Միջազգային հանրությունը մեզ կլսի այս հարցում առաջիկա օրերին», – ասել է նա ճեպազրույցի ժամանակ։

Իսրայելի հայտարարություններին հակառակ` Կանադան, Ավստրալիան և Մեծ Բրիտանիան արդեն ճանաչել են Պաղեստինյան պետության ինքնիշխանությունը։