Սանկտ Պետերբուրգում հայտարարվել է եղանակային վտանգի «դեղին» մակարդակ

Սանկտ Պետերբուրգում սեպտեմբերի 22-ի վաղ առավոտից մինչև սեպտեմբերի 23-ի երեկո հայտարարվել է եղանակային վտանգի «դեղին» մակարդակ՝ պայմանավորված ուժեղ անձրևներով, կարկուտով, քամու ուժգնացմամբ և ամպրոպներով։ Այս մասին հայտնել է քաղաքի  վարչակազմի մամուլի ծառայությունը՝ հղում անելով Ռոսհիդրոմետկենտրոնին։

Ըստ հաղորդագրության, սեպտեմբերի 22-ին ժամը 05:00-ից մինչև 19:00-ը տարածքում տեղ-տեղ սպասվում են հորդառատ անձրևներ և կարկուտ։ Նույն օրը ժամը 05:00-ից մինչև սեպտեմբերի 23-ի ժամը 06:00-ը նույն մակարդակը կգործի նաև ուժեղ քամու պատճառով։

Հարավ-արևմտյան և արևմտյան ուղղության քամու պոռթկումները տեղ-տեղ կարող են հասնել 15–18 մ/վ-ի, իսկ երկուշաբթի օրը՝ Ֆիննական ծոցի ափին՝ 18–23 մ/վ։

Եղանակային վտանգի «դեղին» մակարդակը երեքշաբթի օրը կգործի նաև ամպրոպների և կարկուտի պատճառով։

Քաղաքային իշխանությունները հորդորում են վարորդներին և հետիոտներին առավելագույն զգուշություն ցուցաբերել։