Մակրոն․ Ֆրանսիայի կողմից Պաղեստին պետության ճանաչումը չի ներառի դեսպանատան բացումը

Ֆրանսիայի նախագահ Էմանուել Մակրոնը CBS News-ին տված հարցազրույցում հայտարարել է, որ Ֆրանսիայի կողմից Պաղեստին պետության ճանաչումը չի ներառի դեսպանատան բացումը, քանի դեռ ՀԱՄԱՍ-ը չի ազատել Գազայում պահվող պատանդներին։

«Մեզ համար դա կլինի շատ հստակ պահանջ՝ օրինակ՝ Պաղեստինում դեսպանատուն բացելուց առաջ», – ասել է Մակրոնը։

Ֆրանսիայի նախագահը նաև վճռականորեն հանդես է եկել Գազայի հատվածից պաղեստինցիներին տեղահանելու ցանկացած ծրագրի դեմ, որը նախատեսվում է տարածքի վերականգնման շրջանակում, և որը պաղեստինցիները ցանկանում են դարձնել ապագա ինքնիշխան պետության մաս։

«Բայց եթե նման ծրագրի նախապայմանն է նրանց տեղահանումը, ապա դա պարզապես խելահեղություն է։ Մենք չպետք է՝ հանուն Միացյալ Նահանգների նկատմամբ վստահության, հանուն Ֆրանսիայի նկատմամբ վստահության — մենք չենք կարող բացահայտ կամ անուղղակիորեն բավարարված լինել նման նախագծով», – հավելել է Ֆրանսիայի նախագահը։

Ավելի վաղ Մեծ Բրիտանիան, Ավստրալիան և Կանադան ճանաչել էին Պաղեստին պետությունը, ինչը դարձել է սեյսմիկ շրջադարձ՝ արևմտյան արտաքին քաղաքականության տասնամյակների ֆոնին։

news.am