ՆԳՆ ՓԾ-ն ՀՀ անտառածածկ և բուսածածկ տարածքներում հրդեհի ռիսկերի նվազեցմանն ուղղված դասընթացներ է անցկացրել
Հասարակություն
ՀՀ ներքին գործերի նախարարության փրկարար ծառայությունը շարունակում է իր համակարգված և ռազմավարական մոտեցումը՝ ուղղված Հայաստանի անտառածածկ և բուսածածկ տարածքներում հրդեհների ռիսկերի նվազեցմանը։
2025 թվականի սեպտեմբեր ամսին Շիրակի, Տավուշի և Լոռու մարզերում կազմակերպվել և անց են կացվել ուսուցողական դասընթացներ, որոնք միավորել են տեղական ինքնակառավարման մարմինների, պետական գերատեսչությունների և բնապահպանական կառույցների ներկայացուցիչների լայն շրջանակ։
Դասընթացների հիմնական նպատակը եղել է հրդեհների կանխարգելումը, ռիսկերի գնահատումը, արագ արձագանքման կարողությունների բարձրացումը, ինչպես նաև կամավորական շարժման զարգացումը՝ ի նպաստ համայնքային դիմակայունության և բնապահպանական անվտանգության ամրապնդման։
Դասընթացներին մասնակցել են մարզպետարանների աշխատակիցներ և բնակավայրերի վարչական ղեկավարներ, ինչպես նաև ներկայացուցիչներ ՀՀ շրջակա միջավայրի նախարարության էկոպարեկային ծառայությունից, «Հայանտառ» ՊՈԱԿ-ից, ՀՀ բնապահպանության և ընդերքի տեսչական մարմնից։
Միջոցառումների ընթացքում քննարկվել են հրդեհների կանխարգելման, արագ արձագանքման կազմակերպման, տեղական ինքնակառավարման մարմինների դերակատարության բարձրացման, ինչպես նաև կամավորական շարժման ձևավորման և զարգացման հիմնահարցերը։
Շեշտադրվել է համայնքների ներգրավվածության կենսական նշանակությունը հրդեհների դեմ պայքարում։ Հատկապես կարևորվել է կամավորականների պատրաստվածության մակարդակի բարձրացումը, որպեսզի արտակարգ իրավիճակների դեպքում նրանք կարողանան արձագանքել օպերատիվ և համակարգված՝ մինչ մասնագիտացված փրկարարական ստորաբաժանումների ժամանումը։ Նմանօրինակ քայլերը ոչ միայն կանխարգելում են հրդեհների տարածումը, այլև ամրապնդում են համայնքային դիմակայունությունը։
Նման միջոցառումները նպատակ ունեն ձևավորել արդյունավետ և կայուն համագործակցություն պետական և տեղական կառույցների միջև՝ ստեղծելով միասնական համակարգ արտակարգ իրավիճակներին արձագանքելու համար։
ՀՀ ՆԳՆ փրկարար ծառայությունը շարունակելու է ընդլայնել դասընթացների աշխարհագրությունը, բարձրացնել մասնագիտական պատրաստվածությունը և խթանել համայնքային ներգրավվածությունը՝ որպես կամավորական շարժման զարգացման և հրդեհների կանխարգելման կարևոր բաղադրիչ։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
