Թբիլիսիի «Holiday Inn» հյուրանոցում պատանդ վերցրած տղամարդը վնասազերծվել է

Վրաստանի ՆԳՆ աշխատակիցները վնասազերծել են զինված տղամարդուն, որը պատանդ է վերցրել Թբիլիսիի «Holiday Inn» հյուրանոցում: Այս մասին հայտնում է գերատեսչությունը։

Ոստիկանության տվյալներով՝ այսօր ցերեկը «112» արտակարգ ծառայությունը ահազանգ է ստացել հյուրանոցի համարներից մեկում հնչած կրակոցի մասին:

Պարզվել է, որ տղամարդը, փակվելով համարում, սպառնացել է հյուրանոցի աշխատակցին։ Ուժայիններին հաջողվել է վնասազերծել նրան։