Հայաստանը բարելավել է դիրքերը կոռուպցիայի ընկալման համաթվում

Հրապարակվել է Տնտեսական համագործակցության զարգացման կազմակերպության հակակոռուպցիոն ցանցի 24-րդ լիագումար նիստին հաստատված ՏՀԶԿ հակակոռուպցիոն ցանցի Ստամբուլյան գործողությունների ծրագրի՝ Հայաստանի գնահատման 5-րդ փուլի շրջանակում առաջընթացի զեկույցը, որում ներկայացված են ՀՀ կողմից հանձնառությունների կատարման ուղղությամբ իրականացված աշխատանքները: Այս մասին տեղեկացնում են ՀՀ արդարադատության նախարարությունից:

 

Հակակոռուպցիոն ոլորտում նախորդ երկու տարիներին կատարված լայնածավալ բարեփոխումների արդյունքում Զեկույցի կատարողական 9 դաշտից 6-ում արձանագրվել է էական առաջընթաց։

 

ՏՀԶԿ զեկույցով Հայաստանն առաջընթաց է արձանագրել հետևյալ ոլորտներում. հակակոռուպցիոն քաղաքականության, շահերի բախման կանխարգելման և գույքի ու եկամուտների հայտարարագրման, ազդարարների պաշտպանության, գործարար բարեվարքության, պետական գնումների ոլորտում բարեվարքության ապահովման և կոռուպցիոն հանցագործությունների քննության: