Այս տարվա առաջին կեսին Հայաստան-Չինաստան երկկողմ առևտրի ծավալը գերազանցել է 1,2 միլիարդ ԱՄՆ դոլարը

Այս տարվա առաջին կիսամյակում մեր երկրների միջև երկկողմ առևտրի ծավալը գերազանցել է 1,2 մլրդ ԱՄՆ դոլարը, իսկ փոխայցելությունների թիվը կազմել է ավելի քան 30 հազար մարդ։ Հայտարարել է ՀՀ-ում Չինաստանի դեսպան Լի Սինվեյնը․

«Ներկայումս Երևանից Ուրումչի և հակառակ ուղղությամբ ուղիղ ավիաչվերթներ իրականացվում են շաբաթական երեք անգամ, և մեր երկրները մշտական սերտ կապի մեջ են։
Նայելով ապագային՝ կարելի է տեսնել, որ մեր երկրների միջև համագործակցության հեռանկարները լայն են և խոստումնալից»,- նշել է Չինաստանի դեսպանը։

Չինաստանի Ժողովրդական Հանրապետության հիմնադրման 76-րդ տարեդարձին նվիրված միջոցառման ժամանակ Հայաստանում Չինաստանի դեսպան Լի Սինվեյը անդրադարձել է նաև հայ-չինական հարաբերություններին․

«Այս տարին  նշանակային փուլ դարձավ Չինաստան–Հայաստան հարաբերությունների զարգացման պատմության մեջ։

Վերջերս Հայաստանի Հանրապետության վարչապետ Նիկոլ Փաշինյանը հաջող այց ունեցավ Չինաստան, որտեղ հանդիպեց նախագահ Սի Ծինպինի հետ։ Երկու կողմերը համատեղ հայտարարեցին ռազմավարական գործընկերության հաստատման մասին, ինչը նոր փուլ բացեց մեր երկկողմ հարաբերությունների զարգացման մեջ։

Վերջերս Չինաստանի նախագահ Սի Ծինպինն ու վարչապետ Լի Ցյանը շնորհավորական հեռագրեր են ուղարկել Հայաստանի Անկախության օրվա առթիվ, իսկ Չինաստանի Ժողովրդական քաղաքական խորհրդակցական խորհրդի պատվիրակությունը այցելել է Երևան։

Այս տարվա առաջին կեսին մեր երկրների միջև երկկողմ առևտրի ծավալը գերազանցել է 1,2 միլիարդ ԱՄՆ դոլարը, իսկ փոխադարձ այցելությունների քանակը կազմել է ավելի քան 30 հազար մարդ։

Ներկայումս Երևան-Ուրումչի և հակառակ ուղղությամբ ուղիղ թռիչքներն իրականացվում են շաբաթական երեք անգամ, և մեր երկրները գտնվում են մշտական սերտ կապի մեջ։

Հայացք գցելով դեպի ապագա, կարելի է տեսնել, որ մեր երկրների համագործակցության հեռանկարները լայն են և խոստումնալից։

Առաջնորդվելով երկու երկրների ղեկավարների միջև հասած կարևոր համաձայնություններով, եկեք համատեղ ջանքերով առաջ մղենք Չինաստան–Հայաստան հարաբերությունները՝ ապահովելով դրանց կայուն և հեռատես զարգացումը՝ ավելի մեծ օգուտներ բերելով մեր երկու երկրների ժողովուրդներին։

Չինաստանի Ժողովրդական Հանրապետության կազմավորման օրվա առթիվ եկեք միասին բաժակ բարձրացնենք և ցանկանանք մեր երկրներին բարգավաճում, մեր ժողովուրդներին երջանկություն ու առողջություն, իսկ մեր բարեկամությանը հավերժություն»