Իմփիչմենթի գործընթացի համար կա հնարավորություն իշխանությունից այդ պակասող 18 ձայները ստանալու համար. Նաիրի Սարգսյան

Այսօրվանից մեծ ակնկալքիներ պետք չէ ունենալ, այսօրը մեկնարկային օրն է և մեկնարկից հետո՝ տրամաբանական քայլերով և հիմնավորված գործողություններով, կարելի է հասնել արդյունքի:

Այս մասին ՀՀ ԱԺ-ի մոտ լրագրողների հետ զրույցում ասել է «Հայաստանը ես եմ» նախաձեռնության ղեկավար Նաիրի Սարգսյանը:

Նրա խոսքով՝ բոլորն իրենց ուժերի չափով լարված աշխատանք պետք է տանեն , որ օր առաջ այս իշխանությունը լքի կառավարության շենքը:

Ըստ Սարգսյանի՝ տեսականորեն կա հնարավորություն իշխանությունից այդ պակասող 18 ձայները ստանալու համար իմփիչմենթի գործընթացի համար:

Դիտարկմանը՝ «Հայաստան դաշինքն» ասում է՝ հաջողություն չի ունենա այս գործընթացը, Սարգսյանն ասաց, որ դա համարում է տեխնիկական բնույթի տարաձայնություն, ոչ թե գաղափարական:

«Կարծում եմ՝ երկու ընդդիմադիր խմբակցություններն էլ գաղափարական միաբանություն ունեն՝ Նիկոլ Փաշինյանին հեռացնելու: Իսկ փաստաթղթի տակ կլինի ստորագրություն նոր կսկվի իմփիչմենթի գործընթաց, թե վճռական փուլում բոլոր ստորագրությունները կհավաքվեն, դրանք տեխնիկական բնույթի հարցեր են:»,- հայտարարեց նա:

Սարգսյանը նշեց, որ փողոցային պայքարը պետք է զուգորդվի գործողությանը և որ միայն փողոցային պայքարով հնարավոր չէ հասնել հաջողության և միայն իմփիչմենթի մասին ելույթներով հնարավոր չէ, դրանք պետք է զուգորդվեն: