Վստահ եմ՝ ավելի շատ ձայն ենք ստանալու, քան՝ 2021-ի ընտրություններին․ Ալեն Սիմոնյան (տեսանյութ)

«Մոտ 8 ամիս է մնացել ըտրություններին, լսու ենք, որ ընդդիմությունն ասում է՝ արտահերթ ընտրությունններ։ Իրենք գիտեն, որ չեն ընտրվելու, գիտեն, որ պարտվելու են»,- լրագրողների հետ զրույցում հայտարարեց Ազգային ժողովի նախագահ Ալեն Սիմոնյանը։

Նրա խոսքով՝  ՔՊ-ն հենց վաղն էլ կարող է գնալ արտահերթ ընտրությունների, բայց դրա կարիքը չկա։

«Երկրորդը՝ մեր ժողովուրդը մեզ հինգ տարով պատվիրակել է, ազնիվ չի մեր ժողովրդի նկատմամբ»,- ասաց ԱԺ նախագահը։

Ալեն Սիմոնյանը հայտարարեց, թե եթե առաջ մտածում էր, որ իրենք 50+1 ձայն են ստանալու, հիմա վստահ է՝ ավելի շատ ձայն են ստանալու, քան՝ 2021-ի ընտրություններին։ Ըստ նրա՝ պատճառն օգոստոսի 8-ին ԱՄՆ-ում ստորագրված համաձայնագիրն է լինելու։

«Կարող ենք նաև մարշ գալ»,- հավելեց նա։