Բոլորի նկատմամբ էլ շատ դրական վերաբերմունք ունեմ․ Ալեն Սիմոնյան

Բոլորի նկատմամբ էլ շատ դրական վերաբերմունք ունեմ, ով էլ ընտրվեր՝ շատ լավ վարչություն էր ձևավորվելու։ Այնտեղ մարդ չկար, որ ընտրվեր, օգուտ չէր տալու։ Այս մասին լրագրողների հետ զրույցում ասել է ԱԺ նախագահ Ալեն Սիմոնյանը՝ անդրադառնալով «Քաղաքացիական պայմանագիր» կուսակցության վարչության ընտրությունների արդյունքներին։

Խոսելով թիմակից, ԱԺ պատգամավոր Հայկ Սարգսյանի հետ հարաբերությունների մասին՝ նա նշեց, որ ՔՊ վարչությունը և կուսակցության նախագահը դրա պատասխանն արդեն տվել է, ավելացնելու բան չունի։

Անդրադառնալով լրատվամիջոցների հրապարակած տեղեկություններին, ըստ որոնց՝ ինքը մի քանի օր առաջ գրավոր դիմել է Շրջակա միջավայրի նախարարություն, որպեսզի «White Shorja» հանգստյան գոտու հետ կապված տեղեկություններն իրեն տրամադրեն, նա նշեց՝ տեղեկությունները կեղծ են․ «Ես Հայկ Սարգսյանից որևէ բան չեմ պահանջում, մենք էս իննգ տարվա ընթացքում հարյուրավոր հարցումներ ենք ուղարկել ․․․ ոչ մի արտառոց բան չկա դրանում»։