«Թրամփի ուղին» միջանցք անվանելն անհարգալից վերաբերմունք է ԱՄՆ նախագահի նկատմամբ. Ալեն Սիմոնյան
Քաղաքական
Ընդդիմադիր գործիչների կամ ցանկացած մեկի կողմից ոչ թե TRIPP կամ Թրամփի ուղի, այլ միջանցք տերմինի կիրառումը երկու պրոբլեմատիկ իմաստ է իր մեջ պարունակում:
Այս մասին լրագրողների հետ զրույցում ասել է ԱԺ նախագահ Ալեն Սիմոնյանը՝ մանրամասնելով.
«Յուրաքանչյուր մարդ Հայաստանում կամ աշխարհում, ով կասի TRIPP-ին «Զանգեզուրի միջանցք» կամ միջանցք, առաջինը դա անհարգալից վերաբերմունք է ԱՄՆ նախագահի նկատմամբ: Երկրորդը, այդ մարդն իր լեզվամտածողության մեջ չի խոսում խաղաղության մասին, խոսում է պատերազմի իրավիճակում միջանկյալ լուծման մասին»:
Դիտարկմանը՝ Ալիևն է ասում, Ալեն Սիմոնյանն արձագանքել է. «Վատ է որ ասում է, ես կարծում եմ ինչ-որ ժամանակահատվածում այդ խոսույթը կավարտվի»:
Ալեն Սիմոնյանը նաև հույս է հայտնել, որ մինչ տարեվերջ խաղաղության պայմանագիրը կստորագրվի, ինչին դեռևս անցած տարվանից ՀՀ-ն պատրաստ էր:
«Դուք պետք է նկատեք, որ նույնիսկ Ադրբեջանի նախագահի խոսույթն է փոխվել, հոխորտանքներից, վիրավորանքներից, ատելության խոսքից, ինչ-որ չափ այդ խոսակցությունը վերաձևակերպվել է և իրենք էլ են խոսում արդեն խաղաղությունից: Եթե ժամանակին դուք մեզ մեղադրում էիք, ասում էիք՝ ինչի՞ եք մենակ դուք խոսում, ինչի իրենք չեն ասում և այլն, ապա հիմա կարող եք տեսնել, որ իրենք էլ են ասում»,- ասել է ԱԺ նախագահը:
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
