Մեթոդիստ- ինստրուկտորը ներկայացրել է ինֆարկտից և ինսուլտից հետո վերականգնման հիմնական կանոնները

«Մեդիցինա» ԲԲԸ-ի վերականգնողական բժշկության բաժանմունքի մեթոդիստ- ինստրուկտոր Կիրիլ Անտոնովը «Известия»-ի հետ զրույցում բացատրել է, թե ինչպես ճիշտ սկսել վերականգնումը ինֆարկտից և ինսուլտից հետո։

Մասնագետի խոսքով՝ վերականգնման գործընթացը պետք է սկսել հնարավորինս շուտ, սակայն բացառապես բժշկական վերահսկողությամբ։ Նա նշել է, որ սրտամկանի ինֆարկտից հետո թույլատրվում է կատարել պասիվ շարժումներ և շնչառական վարժություններ արդեն առաջին-երրորդ օրվանից, իսկ ինսուլտից հետո՝ կայուն վիճակում՝ առաջին կամ երկրորդ օրվանից։

Անտոնովը անվանել է անվտանգ և արդյունավետ ծանրաբեռնվածության տեսակներ՝ քայլք, շնչառական գիմնաստիկա և ցիկլային վարժություններ մարզասարքերի վրա։ Ինսուլտից հետո առաջնային են հավասարակշռության, կոորդինացիայի մարզումները և առօրյա գործողությունները նմանակող վարժությունները։ Միաժամանակ խորհուրդ չի տրվում կատարել կտրուկ շարժումներ, ծանրություններ բարձրացնել կամ կատարել ստատիկ ծանրաբեռնվածություններ։

Մասնագետը հավելել է, որ մարզումների ինտենսիվությունը պետք է ավելացնել ոչ ավելի քան շաբաթական 10 տոկոսով։ Անվտանգության հիմնական ցուցանիշներից են՝ վարժությունների ընթացքում ազատ խոսելու կարողությունը և ցավերի, շնչահեղձության կամ գլխապտույտի բացակայությունը։