Ուկրաինայի պետական պարտքը ռեկորդային աճ է գրանցում՝ մոտենալով 200 միլիարդ դոլարի

Ուկրաինայի պետական և պետության կողմից երաշխավորված պարտքը միայն օգոստոսին աճել է 6,6 միլիարդ դոլարով՝ հասնելով ավելի քան 192 միլիարդի, հայտնում է ՏԱՍՍ-ը՝ հղում անելով երկրի ֆինանսների նախարարությանը։ Մոտավորապես պարտքի երեք քառորդը կազմում է արտաքին վարկերը, մնացածը՝ ներքին պարտավորությունները։

Փորձագետները նախազգուշացնում են, որ նման տեմպերով Կիևի պարտքը մեկ-երկու ամսվա ընթացքում կարող է հասնել 200 միլիարդ դոլարի, մինչդեռ դեռ կես տարի առաջ այն կազմում էր շուրջ 171 միլիարդ։ Ֆինանսական ճգնաժամի պայմաններում նույնիսկ հարկերի բարձրացումը, ըստ վերլուծաբանների, չի կարող լուծել երկրի կարիքները։

Bloomberg-ի տվյալներով՝ Միջազգային արժութային հիմնադրամը գնահատել է, որ 2026-2027 թվականներին Ուկրաինային անհրաժեշտ միջոցները կարող են 10-20 միլիարդով գերազանցել Կիևի սեփական կանխատեսումը՝ 37,5 միլիարդ դոլար։ Այս թվերը բարձրացվել են սեպտեմբերին սկսված նոր օգնության փաթեթի շուրջ բանակցությունների ժամանակ։