Հայաստանից Իրան էլեկտրաէներգիայի արտահանման ծավալները եռապատկվելու են․ դեսպան
Հասարակություն
Հայաստանից Իրան էլեկտրաէներգիայի արտահանման ծավալները առաջիկայում էապես կաճեն։ Մամուլի ասուլիսում այս մասին հայտարարեց Իրանի դեսպան Մեհդի Սուբհանին։
Նրա խոսքով՝ երրորդ էլեկտրահաղորդման գծի շահագործումից հետո Իրանը Հայաստանից առաջին փուլով կստանա 200 մեգավատտ էլեկտրաէներգիա։
Դեսպանը նշեց, որ Նորավանի 400 կիլովոլտանոց ենթակայանի շահագործման հանձնելուց հետո արտահանման ծավալը կհասնի 700 մեգավատտի։
«Այս թվի մեջ չի մտնում «գազ՝ էլեկտրաէներգիայի դիմաց» ծրագրով ստացվող 300 մեգավատտ էլեկտրաէներգիան»,– պարզաբանեց դեսպանը։
Սուբհանին հավելեց, որ էլեկտրահաղորդման գծի միանալուց հետո իրանական կողմը կկարողանա ստանալ նաև 200 մեգավատտ արտահանում, իսկ տրանսֆորմատորների տեղադրումից հետո ենթակայանի հզորությունը կհասնի 400 կիլովոլտի։
«Դրա արդյունքում Հայաստանից դեպի Իրան էլեկտրաէներգիայի արտահանման ծավալը կհասնի մոտ 1000 մեգավատտի։ Այսպիսով, խոսքը եռապատկելու մասին է»,– շեշտեց նա։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
