ՊՆ–ում հանդիպումը չի կայացել, անհետ կորած զինծառայողների հարազատներին խոստացել են ընդունել երկուշաբթի օրը

Ինչպես արդեն հայտնել ենք, 44–օրյա պատերազմում անհետ կորած զինվորների հարազատները ՀՀ պաշտպանության նախարարության շենքի մոտ հանդիպում են պահանջում ԳՇ պետ Էդվարդ Ասրյանի, պաշտպանության նախարարի խորհրդական Կամո Վարդանյանի և հետախուզության պետի հետ՝ որոնողական աշխատանքների մասին ինչ–որ բան իմանալու համար։

Արսեն Ղուկասյանը, որի եղբայրը` Արման Ղուկասյանը, զոհվել է, իսկ եղբոր որդին` Սարգիս Ղուկասյանը` անհետ կորել, լրագրողների հետ զրույցում պատմել է, որ այսօր որևէ մեկին հանդիպել չի հաջողվել, սակայն իրենց խոստացել են հանդիպում երկուշաբթի օրը։ Նրանց ասել են, որ հանդիպմանը կարող են մասնակցել մինչև 30 հարազատներ։ 

Ղուկասյանը նշել է, որ եթե ՊՆ–ն իրենց երկուշաբթի չընդունի, փողոցները կփակեն։