Իրանը Ռուսաստանին հատկացրել է 34 կմ տարածք՝ երկաթուղու շինարարության համար

Իրանի ճանապարհների և քաղաքաշինության նախարար Ֆարզանե Սադեկը հայտարարել է, որ Ռուսաստանին փոխանցվել է մոտ 34 կիլոմետր տարածք՝ Ռեշտ–Աստարա երկաթուղու շինարարության համար, որը կդառնա «Հյուսիս–Հարավ» միջազգային տրանսպորտային միջանցքի մի մասը։

Նախարարը նշել է, որ 162 կիլոմետրանոց գծի համար արդեն ձեռք է բերվել անհրաժեշտ հողերի շուրջ կեսը, իսկ մնացածի գնման գործընթացը Իրանը նախատեսում է ավարտել մինչև 2026 թվականի մարտի վերջին տասնօրյակը։

Ռեշտ–Աստարա երկաթուղու կառուցման վերաբերյալ համաձայնագիրը ստորագրվել է 2023-ի մայիսին, իսկ նախագծի ընդհանուր արժեքը գնահատվում է 1,6 միլիարդ եվրո։ Հետազոտական աշխատանքները մեկնարկել են այս տարվա մայիսին, և ակտիվ շինարարությունը, ըստ նախնական տվյալների, կսկսվի մինչև 2025-ի վերջը։