«Ամբողջ Ռուսաստանը հոգնել է Պուգաչովայի անհարգալից վարքից». փաստաբան Տրեշչև

Մարտական գործողությունների վետերան և փաստաբան Ալեքսանդր Տրեշչևը, ով հայց է ներկայացրել երգչուհի Ալլա Պուգաչովայի դեմ, հայտարարել է, որ, ըստ իր խոսքերի, ողջ երկիրը հոգնել է նրա «անհարգալից ու ամենաթող» պահվածքից։ Այս մասին հայտնում է NEWS.ru-ն։

Տրեշչևի խոսքով՝ սոցիալական ցանցերում նրա հայցի մասին հրապարակումների ներքո «գրեթե ոչ մի լավ խոսք» չեն գրում, ինչը, ըստ նրա, ապացույց է, որ հասարակությունը հոգնել է արտիստուհու վարքագծից։ Նա հավելել է, որ Պուգաչովան շարունակում է եկամուտ ստանալ Ռուսաստանում՝ իր երգերի հեղինակային իրավունքներից և այնտեղ գտնվող անշարժ գույքից։

Փաստաբանը պահանջում է նրանից բռնագանձել 1,5 միլիարդ ռուբլի՝ Չեչենական Իչկերիայի (ՌԴ-ում արգելված որպես ահաբեկչական կազմակերպություն) նախկին առաջնորդ Ջոխար Դուդաևին գովաբանելու և Ռուսաստանի նախագահի, բանակի ու իրավապահ մարմինների հասցեին «վիրավորական» արտահայտությունների համար։

Ավելի վաղ հաղորդվել էր, որ Մոսկվայի դատարաններից մեկում գրանցվել է արդեն երրորդ նմանատիպ հայցը Պուգաչովայի դեմ՝ ներկայացրած ՖՊԲԿ-ի (Ֆեդերալ անվտանգության և կոռուպցիայի դեմ պայքարի նախագիծ) ղեկավար Վիտալի Բորոդինի կողմից։