Ծանրամարտիկ Գոռ Սահակյանն Աշխարհի առաջնությունում նվաճեց փոքր արծաթ, սակայն երկամարտում արդյունք չգրանցեց
Սպորտ
Նորվեգիայում անցկացվող ծանրամարտի աշխարհի առաջնությունում հոկտեմբերի 5-ին Հայաստանն ուներ մեկ մասնակից:
Եվրոպայի կրկնակի չեմպիոն, 2025 թ. Եվրոպայի փոխչեմպիոն, աշխարհի առաջնության բրոնզե մեդալակիր, 22-ամյա Գոռ Սահակյանը (71 կգ) պոկում վարժությունում 154 կգ արդյունքով նվաճեց փոքր արծաթե մեդալ։
Հրում վարժությունում Սահակյանը չկարողացավ բարձրացնել 182 կգ-ն՝ երկամարտում չգրանցելով արդյունք։
Աշխարհի չեմպիոն հռչակվեց Թաիլանդի ներկայացուցիչ Վեեռաֆոն Վիչուման՝ երկամարտում սահմանելով աշխարհի ռեկորդ՝ 346 կգ (152+194): Ռեկորդային է նաև հրում վարժության արդյունքը։
Ծանրամարտի Հայաստանի հավաքականը 7 մարզիկով է մասնակցում աշխարհի առաջնությանը: Տղամարդկանց պայքարում կլինեն նաև Սուրեն Գրիգորյանը (88 կգ), Սիմոն Մարտիրոսյանը, Գարիկ Կարապետյանը (երկուսն էլ 110 կգ) և Վարազդատ Լալայանը (+110 կգ): Կանանց պայքարում կլինի միայն Աննա Ամրոյանը (77 կգ):
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
