«Վստահեցնում եմ՝ միլիոնավոր դրամներ եք վճարելու, շատ կփոշմանեք»․ Ավինյանը զգուշացրել է (տեսանյութ)

Դեկտեմբերին ավագանու որոշումները այնպես ենք կառուցելու, որ կառուցապատողները, որոնք խախտում են ավագանու կողմից սահմանված փոշու ցանցերի, կահավորման, որևէ տեսակի աղտոտում են բերում քաղաքին, խստորեն պատժվելու են։ Պատժվելու են ռետրոսպեկտիվ, պատժվելու են այն պահին, երբ գան շինթույլտվության երկարաձգման, հայտարարել է Երևանի քաղաքապետ Տիգրան Ավինյանը։  

«Կարծում եմ՝ այս խոսակցությունները բավարար են, որպեսզի իրար ճիշտ հասկանանք»,– շեշտել է նա։

Հիշեցնելով, որ օրինակ՝ փոշու ցանցեր չունենալու համար տուգանքը 70.000 դրամ է, Ավինյանը զգուշացրել է. «Շատերը մտածեցին՝ ինչու 2-3 մլն դրամ ծախս անեմ, ցանց քաշեմ, փոշու հետ կապված խնդիրները լուծեմ, հենա՝ կվճարեմ 70 հազար դրամը։ Հարգելիներս, վստահեցնում եմ՝ դուք հարյուրավոր, միլիոնավոր դրամներ եք վճարելու՝ անպատասխանատու վերաբերմունքի համար։ Ես ձեզ վստահեցնում եմ՝ ով չի պահպանել Երևանի ավագանու կողմից ընդունված քաղաքականությունը, շատ կփոշմանի»։