Եվրոեռյակը վերջնական որոշում է կայացրել Ռուսաստանի սառեցված ակտիվների մասին

Ֆրանսիան, Մեծ Բրիտանիան և Գերմանիան պայմանավորվել են օգտագործել Ռուսաստանի ակտիվները Ուկրաինայի զինված ուժերին օգնություն ցուցաբերելու համար: Այս մասին հայտնում է Գերմանիայի կառավարության պաշտոնական կայքը։

«Մենք պատրաստ ենք շարժվել դեպի սառեցված ռուսական սուվերեն ակտիվների արժեքի համակարգված օգտագործումը՝ Ուկրաինայի զինված ուժերին աջակցելու համար և դրանով իսկ Ռուսաստանին ստիպել նստել բանակցությունների սեղանի շուրջ», - ասվում է համատեղ հայտարարության մեջ:

Հրապարակման մեջ ընդգծվում է՝ Մեծ Բրիտանիան, Ֆրանսիան և Գերմանիան մտադիր են օգտագործել Ռուսաստանի ակտիվները՝ «ԱՄՆ-ի հետ սերտ համագործակցությամբ»: Նրանք նաև պայմանավորվել են մշակել Ռուսաստանի վրա ճնշման հետագա «համարձակ և նորարարական մեխանիզմներ»: