Եվրոպան Ռուսաստանին գործարք է առաջարկել Պուտինի և Թրամփի՝ Բուդապեշտում կայանալիք հանդիպումից առաջ

Ֆրանսիացի պաշտոնյաները Ռուսաստանին առաջարկել են հրադադար Ուկրաինայում՝ Ռուսաստանի նախագահ Վլադիմիր Պուտինի ինքնաթիռի՝ Բուդապեշտ անարգել թռիչքի դիմաց, որպեսզի նա կարողանա հանդիպել ԱՄՆ նախագահ Դոնալդ Թրամփի հետ, հաղորդում է The Wall Street Journal-ը։

«ԵՄ-ն, հավանաբար, չի խափանի Թրամփ-Պուտին հանդիպումը, սակայն ֆրանսիացի պաշտոնյաները երկուշաբթի օրը հայտարարել են, որ կփորձեն համոզել Ռուսաստանին համաձայնվել հրադադարի՝ Պուտինի ինքնաթիռի՝ Հունգարիա թռիչքի թույլտվության դիմաց», - հաղորդում է թերթը։

WSJ-ի տվյալներով՝ Պուտինի ինքնաթիռը պետք է հատի ԵՄ օդային տարածքը՝ Բուդապեշտի գագաթնաժողովին հասնելու համար, ինչը արգելված է գործող պատժամիջոցներով։

Միևնույն ժամանակ, հայտնի ռուս օդաչու Յուրի Սիտնիկը հայտարարել է, որ ոչ մի երկիր չի կարող խանգարել Ռուսաստանի նախագահ Վլադիմիր Պուտինի ինքնաթիռի՝ Հունգարիա թռիչքին։