«Նրանք ջնջել էին իմ մազերը և դրել ինչ-որ տարօրինակ պսակ» Թրամփ

Ամերիկյան Time ամսագիրը փոխել է իր շապիկը՝ ԱՄՆ նախագահ Դոնալդ Թրամփի մասնակցությամբ, այն բանից հետո, երբ վերջինս խիստ քննադատել էր նախնական տարբերակը։ Այս մասին հաղորդում է Deadline-ը։

Թրամփը Truth Social-ում շապիկը անվանել է «պատմության մեջ ամենավատը»՝ ընդգծելով, որ լուսանկարը աղավաղված է. «Նրանք ջնջել էին իմ մազերը և դրել ինչ-որ տարօրինակ պսակ, որը նույնիսկ պսակի նման չէր։ Շատ տարօրինակ է», — գրել է նա։

Նոր տարբերակում Թրամփը պատկերված է Սպիտակ տանը՝ ազգային դրոշների ֆոնի վրա։ Լուսանկարի անկյունն էլ փոխվել է, քանի որ նախագահը դժգոհել էր նաև նախորդ տարբերակի ռակուրսից, որը արվել էր ներքևից։ Ավելի վաղ հոկտեմբերին Թրամփը հրապարակայնորեն գովել էր Ուկրաինայի նախագահ Վլադիմիր Զելենսկու արտաքին տեսքը։