50 տարեկանից բարձր կանանց համար անվանվել է միջոց՝ սրտերը առողջ պահելու համար

50 տարեկանից բարձր կանայք պետք է կանոնավոր երեկոյան զբոսանքների սովորություն զարգացնեն, ըստ սրտաբան Սառա Մաթիսի, ինչպես մեջբերում է Infobae-ն: Մասնագետի խոսքով՝ 15-20 րոպե դրսում քայլելը կարող է զգալիորեն նվազեցնել սրտանոթային հիվանդությունների ռիսկը, որը մեծանում է հետդաշտանադադարի ընթացքում։

Մաթիսը նշում է, որ չափավոր ֆիզիկական ակտիվությունը նպաստում է արյան ճնշման իջեցմանը: Քայլելը նաև նպաստում է բարձր խտության լիպոպրոտեինի (HDL)՝ այսպես կոչված «լավ» խոլեստերինի մակարդակի բարձրացմանը, որը նվազեցնում է աթերոսկլերոզի ռիսկը։

Ավելին, քայլելը նպաստում է կորտիզոլի և այլ սթրեսային հորմոնների մակարդակի կարգավորմանը, որոնց ավելցուկը կապված է անոթային պատի վատթարացման և սրտի վրա ծանրաբեռնվածության աճի հետ։

Դաշտադադարը զգալի ազդեցություն ունի սթրեսի մակարդակի վրա: Սա պայմանավորված է կանացի սեռական հորմոնների՝ էստրոգենի և պրոգեստերոնի մակարդակի կտրուկ անկմամբ: Էստրոգենները կարգավորում են սերոտոնինը, դոպամինը և այլ նեյրոհաղորդիչներ, որոնք ազդում են տրամադրության և սթրեսի նկատմամբ դիմադրության վրա: Էստրոգենի մակարդակի նվազումը մեծացնում է անհանգստությունը, դյուրագրգռությունը և դեպրեսիայի նկատմամբ խոցելիությունը: Ավելին, դաշտանադադարի ընթացքում հոգեէմոցիոնալ սթրեսը կարող է ընկալվել որպես ավելի ծանր։

Բժշկի խոսքով՝ ֆիզիկական ակտիվության ընթացքում քրոնիկ սթրեսի նվազեցումը հատկապես օգտակար է: Մասնագետը ընդգծեց, որ սթրեսը հատկապես ծանր ազդեցություն ունի կանանց առողջության վրա դաշտանադադարի ընթացքում և դրանից հետո։ Այս ժամանակահատվածում հոգեէմոցիոնալ հավասարակշռության պահպանումը սրտի հիվանդությունների կանխարգելման կարևոր տարր է։

Թարգմանությունը՝ Lurer.com-ի