Նախագահի աշխատակազմին կհատկացվի՝ ավելի քան 1 մլրդ, վարչապետի աշխատակազմին՝ 25 մլրդ դրամ

Արդարադատության նախարարությանը 2026 թվականին առաջարկվում է հատկացնել 24 միլիարդ 3 միլիոն դրամ, որը 187 միլիոն դրամով ավելին է, քան նախորդ` 2025 թվականի բյուջեով նախատեսված գումարը: Այս մասին հայտնեց ՀՀ ֆինանսների նախարար Վահե Հովհաննիսյանը։

«Բարձրագույն դատական խորհրդին առաջարկում ենք հատկացնել 16 միլիարդ 845 միլիոն դրամ, որը 308 միլիոն դրամով ավելի փոքր է, քան 2025 թվականին նախատեսված բյուջեն:

Դատախազությանը առաջարկում ենք նախատեսել 712 միլիոն դրամով ավելին կամ 10 միլիարդ 638 միլիոն դրամ։ Սա հիմնականում պայմանավորված է ապարատային ծախսերի որոշակի ավելացմամբ։

Պետական վերահսկողության ծառայությանը առաջարկում ենք հատկացնել 168 միլիոն դրամով ավելին կամ 1 միլիարդ 102 միլիոն դրամ։ Սա պայմանավորված է որոշ ֆունկցիաների ՊՎԾ տեղափոխման և հաստիքների ավելացման հանգամանքով:

Ազգային ժողովին առաջարկվում է հատկացնել 68 միլիոն դրամով ավելի քիչ կամ 7 միլիարդ 4 միլիոն դրամ:

Հանրապետության նախագահի աշխատակազմին առաջարկվում է հատկացնել էլ 40 միլիոն դրամով ավելի քիչ կամ 1 միլիարդ 618 միլիոն դրամ:

Վարչապետի աշխատակազմին առաջարկվում է նախատեսել 1 միլիարդ 520 միլիոն դրամով ավել կամ 25 միլիարդ 804 միլիոն դրամ: Սա հիմնականում պայմանավորված է մյուս տարի Հայաստանում պլանավորվող Եվրոպական քաղաքական համայնքի ութերորդ գագաթնաժողովի անցկացման ծախսերով։

Նա նշեց, որ Կենտրոնական ընտրական հանձնաժողովին առաջարկվում է հատկացնել 7 միլիարդ 513 միլիոն դրամ։ 

«Կոռուպցիայի կանխարգելման հանձնաժողովին առաջարկում ենք հատկացնել 15 միլիոն դրամով ավելի քիչ կամ 405 միլիոն դրամ։ Սահմանադրական դատարանին առաջարկում ենք հատկացնել 41 միլիոն դրամով ավելին կամ 912 միլիոն դրամ»,– հայտնեց Հովհաննսիայնը։