Իրանը կապիկ կուղարկի տիեզերք

Իրանը փետրվարի սկզբին իսլամական հեղափոխության տարեդարձի առթիվ կապիկ կուղարկի տիեզերք: Այս մասին հայտնել է Իրանի տիեզերական ծառայության ղեկավար Համիդ Ֆազելին:

«Հիմա մեզ մոտ կա շուրջ 40 կապիկ, որոնցից մեկը կուղարկվի տիեզերք: Դա տեղի կունենա հունվարի 31-փետրվարի 10 ընկած ժամանակահատվածում, երբ կնշվի 1979 թվականի իսլամական հեղափոխության օրը»,-այս մասին հայտնել է Ֆազելին: 

Այս իրադարձությունը առաջին քայլն է Իրանի կողմից տիեզերք մարդ ուղարկելու նախաձեռնության, որը պետք է տեղի ունենա հինգ-ութ տարի հետո: