Ինչո՞ւ Տիգրան Ավինյանը չի մասնակցում Հովհաննավանքում մատուցվող «պատարագին»

«Միշտ Հովհաննավանք եք գալի՞ս պատարագի, թե Նիկոլ Փաշինյանը մասնակցում է, այդ պատճառով եք եկել»,– նման հարց լրագրողն ուղղեց Երևանի փոխքաղաքապետ Լևոն Հովհաննիսյանին, ինչին, ի պատասխան, նա ասաց․ «Ճիշտն ասած, միշտ չենք գալիս Հովհաննավանք, բայց պարբերաբար եղել է, որ եկել ենք»։

Հարցին, թե պարբերաբար է եկեղեցի գնում, նա դրական պատասխան տվեց, սակայն նշեց, որ վերջին շրջանում չի մասնակցում Վեհափառի մատուցած պատարագներին, վերջին անգամ Հռոմում է մասնակցել պատարագի։

Լրագրողի հարցին՝ ի՞նքն է թաղապետներին հորդորել գալ Հովհաննավանք, Հովհաննիսյանը բացասական պատասխան տվեց․ «Աջափնյակի թաղապետը ազատ քաղաքացի է, ցանկացած տեղ կարող է մասնակցել։ Ես խնդիր չեմ տեսնում։ Թաղապետերից մի քանիսին նկատել եմ, Աջափնյակի թաղապետին չեմ նկատել։ Տեղյակ չեմ՝ ով է եկել։ Բոլորն ազատ քաղաքացիներ են, եկել են պատարագի»։

Հարցին, թե քաղաքապետ Տիգրան Ավինյանն ինչու այս անգամ էլ չի եկել Հովհաննավանք, պաշտոնյան պատասխանեց՝ չգիտի՝ քաղաքապետը Հայաստանում է, թե ոչ․ «Իմ տեղեկություններով՝ պետք է արձակուրդ մեկնի»,– ասաց նա։