«Ինտեր»-ն առանց Մխիթարյանի հաղթեց «Վերոնա»-ին

Իտալիայի առաջնության 10-րդ տուրում փոխչեմպիոն Միլանի «Ինտերը» հյուրընկալվեց «Վերոնային»։ Ռումինացի Կրիստիան Կիվուի գլխավորած թիմը հաղթեց 2:1 հաշվով։

Հանդիպման հաշիվը 16-րդ րոպեին բացեց «Ինտերի» լեհ կիսապաշտպան Պյոտր Զելինսկին։40-րդ րոպեին պատասխան գոլը խփեց բրազիլացի հարձակվող Ժիովանեն։

Ավելացված չորրորդ րոպեին ինքնագոլի հեղինակ դարձավ «Վերոնայի» դանիացի պաշտպան Մարտին Ֆրեսեն։Հայաստանի հավաքականի նախկին ավագ, «Ինտերի» կիսապաշտպան Հենրիխ Մխիթարյանը վնասվածքի պատճառով բացակայում էր հայտացուցակից։

«Ինտերը» 21 միավորով ընթացիկ երկրորդ տեղում է, «Վերոնան» 18-րդն է՝ 5 միավոր։