Իրանը ենթարկվում է միջուկային զենքի վրա այաթոլլաhի դրած արգելքին

Իրանի իշխանությունները պաշտոնապես հայտարարել են, որ պարտավոր են ենթարկվել երկրի գերագույն հոգևոր առաջնորդ այաթոլլահ Ալի Խամենեիի՝ միջուկային զենքի մշակման վրա իր ֆեթվայով (կրոնական ցուցում) դրված արգելքին, գրում է Associated Press-ը:

Չկա ավելի բարձր նորմատիվ ակտ, որը կորոշի միջուկային ծրագերի մշակման ոլորտում մեր լիազորությունների սահմանափակումները, քան հոգևոր առաջնորդի ֆեթվան, երեշքաբթի օրը մամլո խորհրդակցության ժամանակ հայտարարել է Իրանի կառավարության պաշտոնական ներկայացուցիչ Ռամին Մեհմանփարասթը:

Ֆեթվան, որի մասին գնում է խոսքը, Խամենեին հրապարակել էր շուրջ 7 տարի առաջ և իրանական իշխանությունները ժամանակ առ ժամանակ հղում էին կատարում դրան՝ փորձելով ապացուցել, որ չեն զբաղվում միջուկային զենքի մշակմամբ:

Ինչպես նշում է Associated Press-ը, այս հայտարարությունն արվել է ԱԷՄԳ-ի (Ատոմային էներգիայի միջազգային գործակալություն) նոր այցի նախաշեմին: