Իրանի նկատմամբ միջազգային պատժամիջոցները չեն հանգեցնի ռեժիմի տապալմանը. փորձագետ

Իրանի նկատմամբ ԱՄՆ-ի և ԵՄ երկրների կողմից կիրառվող պատժամիջոցները չեն հանգեցնի երկրում լուրջ կատակլիզմների, չնայած դրանք լրջորեն ու բացասաբար ազդում են նրա տնտեսության վրա: Այս մասին Риа Новости-ին տված հարցազրույցում ասել է Ժամանակակից Իրանի ուսումնասիրման ինստիտուտի տնօրեն Ռաջաբ Սաֆարովը:

Իրանցիները բացատրական աշխատանքներ են տանում երկրի ներսում՝ բացատրելով իրենց բնակիչներին, որ երկրում առկա դժվարությունները արհեստականորեն ստեղծվում են դրսի ուժերի կողմից: Շատ իրանցիներ էլ վստահ են, որ Իրանի համար միջուկային ծրագրից հրաժարվելը հավասարազոր է սուվերենության կորստին: Նրանք ըմբռնումով են մոտենում երկրում դրության վատթարացմանը և պատրաստ են դիմանալ դժվարություններին, կարծում է մասնագետը: Սակայն կա նաև բնակչության մի որոշ հատված, որը հակված չէ համբերելու և բողոքում է ստեղծված իրավիճակի դեմ:

Սակայն մասնագետը վստահ է, որ երկում կատակլիզմների առաջ գալու լուրջ նախապայմաններ հատկապես ռեժիմի տապալման համար պարզապես չկան: