Լավրովը բացահայտել է Արևմուտքի իրական նպատակը Ուկրաինայի հարցում

Ռուսաստանի արտաքին գործերի նախարար Սերգեյ Լավրովը հայտարարել է, որ Արևմուտքի կոչերը Ուկրաինայում հրադադարի հաստատման վերաբերյալ իրականում նպատակ ունեն ժամանակ շահել Կիևի համար։ Նրա խոսքով՝ նման հայտարարությունները միտված են գործող ուկրաինական իշխանություններին լրացուցիչ աջակցություն տրամադրելուն և նրանց պահելուն ներկայիս վիճակում։ Լավրովի խոսքերը փոխանցում է РИА Новости-ն։

«Երբ ասում են, որ հրադադարից բացի մնացած ամեն ինչ երկրորդական է, պարզ է դառնում՝ ինչի մասին է խոսքը։ Խոսքը հերթական անգամ Կիևի համար լրացուցիչ ժամանակ սակարկելու մասին է՝ նրա ռեժիմը պահպանելու նպատակով», — ընդգծել է դիվանագետը։

Միևնույն ժամանակ Լավրովը նշել է, որ Ռուսաստանը, անկախ այդ մոտեցումներից, շարունակում է պատրաստ լինել բանակցությունների Արևմուտքի երկրների հետ։ Ավելի վաղ Ուկրաինայի նախկին ԱԳ նախարար Դմիտրի Կուլեբան հայտարարել էր, որ բանակցային գործընթացի նոր փուլը հնարավոր է սկսվի փետրվարի վերջին, սակայն մինչ այդ հրադադար չի ակնկալվում։