Սթրեսից ազատվելու արագ մեթոդ․ բժիշկը նշել է ամենապարզ լուծումը

Բժիշկ-վերականգնող և հաղորդավար Սերգեյ Ագապկինը ներկայացրել է սթրեսը արագ նվազեցնելու պարզ միջոց։ Նրա խոսքով՝ սթրեսային վիճակում գտնվող մարդկանց կարող է օգնել սովորական մաստակը, որը ժամանակավոր հանգստացնող ազդեցություն է ունենում։

Մասնագետը բացատրել է, որ մարդու օրգանիզմը ենթագիտակցորեն կապում է ծամելու գործընթացը սննդի առկայության հետ։ Նրա խոսքով՝ հին ժամանակներում սթրեսի հիմնական պատճառներից մեկը սննդի պակասն էր, և երբ մարդը սկսում է ծամել, օրգանիզմը «մտածում է», որ սնունդ կա, ինչն օգնում է նվազեցնել լարվածությունը։

Ագապկինը նշել է, որ մաստակը կարող է ժամանակավոր թեթևացնել սթրեսը և բարելավել ընդհանուր ինքնազգացողությունը։ Ավելի վաղ նա նաև խոսել էր միգրենի դեմ պայքարի անսպասելի մեթոդների մասին՝ ընդգծելով, որ որոշ սննդամթերքներ կարող են մեղմել գլխացավի ախտանիշները։