«Բոլորին դեմ եմ» շարժումը օգնում է միայն իշխանությանը․ Անի Սամսոնյան

Քաղաքական դաշտում այսպիսի անվանումով շարժում ձևավորելը երկու նպատակ կարող է ունենալ:

1. Սաբոտաժ անել 2026 թ. պառլամենտական ընտրությունները և ընտրության հաջորդ օրը ձևավորել նոր այլընտրանքային քաղաքական ուժ` հաջորդ հինգ տարվա ընտրական փուլի համար: Այսպիսի սաբոտաժից շահելու է իշխանությունը, որովհետև քաղաքական ներկայիս դաշտից հոգնած կամ ընտրությանը առհասարակ չգնացող ընտրազանգված կարող է չմասնակցել ընտրություններին և չքվեարկել այլ քաղաքական ուժի օգտին` մնալով շարժման պրոպագանդայի տակ:

 

2. Գրանցել համանուն կուսակցություն, մասնակցել ընտրություններին և փոշիացնել ձայներ: Այսպիսի մասնակցությունից շահելու է կրկին իշխանությունը, որովհետև ինչքան շատ ձայն փոշիանա, այնքան օգնելու է իշխանությանը ձգտելու 50+1 շեմին:

 

Հետևություն: «Բոլորին դեմ եմ» շարժումը օգնում է միայն իշխանությանը և հակասում ինքն իրեն այնքանով, որքանով որ ընտրություններին մասնակցելու համար պետք է ունենա ցուցակ և վարչապետի թեկնածու:

 

Առաջարկում եմ «Բոլորին դեմ եմ» շարժումը չխառնվի այս ընտրություններին (առհասարակ չերևա տեսադաշտում և դադարեցնի իր պրոպագանդան) և 2026 թվականի հունիսի 7-ից հետո ներկայացնի իրենց «սրտի վարչապետի թեկնածուին», եթե բոլորին դեմ է: Այսպես ինձ համար շարժումը հասկանալի կլինի, հակառակ պարագայում, կներեք շարժման մասնակիցներ, բայց դուք խաղում եք Փաշինյանի խաղը և օգնելու եք նրան վերընտրվել»: